У чацвер, 12 студзеня ў Менск прылятаў старшыня праўлення расійскага Сбербанка Герман Грэф, ён сустракаўся з Аляксандрам Лукашэнкам. У час сустрэчы размова ішла аб удзеле Сбербанка ў дафінансаванні складаных праектаў у Беларусі. Адзін з такіх праектаў шматпакутны комплекс «Не-Кемпінскі», даўгабуд каля цырка.
Стоадсоткавую долю ў «Эліт Эстэйт» атрымлівае кампанія «Сбербанк Капітал» — гэта дачка Сбербанка Расіі, якая займаецца інвестыцыямі ў будаўніцтва, - распавяла kp.by крыніца, знаёмая з падрабязнасцямі здзелкі. — Сума здзелкі сімвалічная — 1,99 беларускага рубля. Таксама «Трайпл» спісвае цалкам прадастаўленыя «Эліт Эстэйт» пазыкі.
Цікавасць Сбербанка Расіі да гэтага комплексу невыпадковая. Рэч у тым, што беларуская дачка — БПС-Сбербанк — выдзяляла крэдыт на будаўніцтва. Будоўля замарозілася, і крэдыт стаў праблемным. Атрымаўшы комплекс ва ўласнасць, сітуацыю ўдасца вырашыць.
Па некаторых дадзеных, каб скончыць будоўлю, спатрэбіцца яшчэ каля 80 мільёнаў даляраў. Яшчэ 20 прыйдзецца ўкласці ў абсталяванне будучага комплексу. Мабыць, аб гэтых ста мільёнах і казаў Герман Грэф пасля сустрэчы з Лукашэнкам.
