Жыццю дзяўчынкі, якая трапіла пад колы аўтамабіля хуткай дапамогі ў Віцебскім раёне, нішто не пагражае. Пра гэта паведаміла афіцыйны прадстаўнік упраўлення Следчага камітэта па Віцебскай вобласці Святлана Сахарава.
«Дзяўчынцы аказана неабходная медыцынская дапамога, жыццю нішто не пагражае, — распавяла Святлана Сахарава. — Медыкі дыягнаставалі закрытую чэрапна-мазгавую траўму, удар галаўнога мозгу і мяккіх тканак галавы, а таксама іншыя траўмы».
Віцебскі раённы аддзел Следчага камітэта па гэтым факце праводзіць праверку.
Як паведамлялася, 14 студзеня ў 21.40 у Віцебскім раёне дзяўчынка апынулася пад коламі аўтамабіля хуткай медыцынскай дапамогі. Кіроўца адной з устаноў аховы здароўя Віцебска, рухаючыся па вуліцы аграгарадка Кіраўск на службовым аўтамабілі хуткай дапамогі, здзейсніў наезд двухгадовую дзяўчынку, якая выпала з дзіцячых санак. Імаверна, момант яе выпадзення з санак застаўся незаўважаным.