Дзеці настаўніка, які выратаваў шмат вучняў з палаючага аўтобуса на поўначы Італіі, загінулі ў агні, паведамілі венгерскія ўлады.
EPA
Ахвярамі аўтакатастрофы, якая адбылася ўвечары ў пятніцу на трасе А4 ля горада Верона, сталі 16 чалавек, яшчэ 7 знаходзяцца ў бальніцы.
Аўтобус вяртаўся ў Будапешт з Францыі, у ім ехалі навучэнцы венгерскага ліцэя.
Д'ёрдзь Віг суправаджаў дзяцей у паездцы. Пасля таго, як аўтобус сышоў з аўтатрасы, урэзаўся ў прыдарожны слуп і загарэўся, Вігу ўдалося выцягнуць з яго шматлікіх дзяцей, пры гэтым сам настаўнік атрымаў сур'ёзныя апёкі.
Аднак яго 30-гадовы сын і 18-гадовая дачка, якія таксама знаходзіліся сярод пасажыраў аўтобуса, загінулі, паведаміла генеральны консул Венгрыі ў Мілане Юдыт Тымафі.
Адной з магчымых прычын аўтакатастрофы называюць дрэннае самаадчуванне кіроўцы.
