На карэспандэнта тэлеканала RT America Аляксандра Рубінштэйна заведзеная справа аб удзеле ў масавых беспарадках. Рубінштэйн быў затрыманы ў Вашынгтоне 20 студзеня, калі ён рабіў рэпартаж пра акцыі пратэсту, якія суправаджалі інаўгурацыю прэзідэнта ЗША Дональда Трампа, піша «Медуза».
Фігурантам справы аб удзеле ў масавых беспарадках стаў і яшчэ адзін журналіст, затрыманы ў дзень інаўгурацыі Трампа ў сталіцы ЗША, — Эван Энджэл з амерыканскай медыякампаніі Vocativ.
Абвінавачванні ў здзяйсненні цяжкага злачынства другой ступені, выстаўленыя супраць Рубінштэйна і Энджел, прадугледжваюць максімальнае пакаранне аж да 10 гадоў турмы і штрафу да 25 тысяч даляраў. Абодва журналісты пасля затрымання былі адпушчаныя на свабоду.
Кампанія Vocativ назвала затрыманне свайго супрацоўніка «парушэннем Першай папраўкі да Канстытуцыі, якая парушае свабоду слова».
У сваю чаргу галоўны рэдактар RT Маргарыта Сіманьян напісала ў твітары, што па просьбе юрыстаў тэлеканал пакуль не каментуе справу ў дачыненні да Рубінштэйна.
Папярэдняе слуханне па справе Рубінштэйна прызначанае на 16 лютага.
У дзень уступлення Дональда Трампа на пасаду прэзідэнта ў Вашынгтоне ўдзельнікі акцый пратэсту разбілі некалькі аўтамабіляў і вітрын крам. Паліцыя была вымушана прымяніць спецсродкі для разгону дэманстрантаў. Больш за 200 удзельнікаў акцыі пратэсту былі затрыманыя.
Цяпер чытаюць
Венесуэлка, якая працуе на БТ, распавяла, чаму яе сям'я думае, што яна ў Беларусі вельмі багатая. Прычыны вас здзівяць9
Каментары