30 студзеня Беларусь развітваецца з народным артыстам Аляксандрам Ціхановічам, які памёр 28 студзеня ў Мінску на 65-м годзе жыцця.
У панядзелак, 30 студзеня, у храме Аляксандра Неўскага на вуліцы Казлова, 11 у 7.45 пачалася памінальная літургія, пасля яе адбудзецца адпяванне.
Храм Аляксандра Неўскага на Вайсковых могілках быў абраны не выпадкова. Артыст, кватэра якога знаходзіцца ў раёне ЦУМа, быў не толькі вернікам гэтага храма, але і пеўчым, паведамляе Tut.by
Храм поўны людзей, на літургіі і адпяванні прысутнічае ўся сям'я, у тым ліку і ўнук Ваня. Развітацца з артыстам прыехалі таксама сябры і калегі па цэху. Адным з першых - Руслан Аляхно.
Грамадзянская паніхіда пройдзе ў Беларускай дзяржаўнай філармоніі з 11.00 да 14.00.
Народны артыст Беларусі будзе пахаваны на Усходніх могілках, побач з магілай бацькі.
