У мабільнай праграме з афлайн-картамі Maps.Me, якую стварылі беларускія распрацоўшчыкі, з'явілася функцыя разумнага пошуку.
Пасля абнаўлення Maps.Me зможа разумець пошукавыя запыты, нават у выпадку, калі яны напісаныя з памылкамі друку. Паводле інфармацыі распрацоўшчыкаў, асабліва карыснай будзе навінка ў незнаёмых гарадах, калі турысты ўводзяць інфармацыю, якая ўспрымаецца на слых.
Таксама ў свежай версіі турыстам стане зручней знаходзіць гатэлі па рэйтынгу і цане.
Каманда, якая працуе ў дадзены момант над праектам, падкрэслівае, што хоча, каб Maps.Me быў не проста мабільнай картай, а ўніверсальным інструментам для арыенціроўкі на мясцовасці.
Раней праграма была дапоўненая функцыяй, якая дапамагае даведацца пра заторы на дарогах.
0
0
0
0
0
0