Пра гэта паведаміў БелТА сіноптык Дзмітрый Рабаў.
«Маразы ўзмоцняцца. Надвор'е будзе вызначаць арктычны антыцыклон «Эрыка». Чарговы раз спрацуе ўльтрапалярны атмасферны працэс. Паветраныя масы, распаўсюджваючыся з тэрыторыі Карскага мора, абумовяць вельмі халоднае надвор'е.
Дадатковае адчуванне холаду будзе ствараць моцны вецер. Тэмпература па адчуваннях будзе здавацца на 5-7 градусаў ніжэй фактычнай.
Халадней будзе па паўночным усходзе краіны, трохі цяплей па паўднёвым захадзе, дзе адаб'ецца ўплыў франтальнага падзелу. На асобных участках дарог чакаецца галалёдзіца», — распавёў сіноптык.
Атмасферны ціск будзе высокім. Надвор'е будзе спакойнае марознае, па паўднёвым захадзе краіны чакаюцца невялікія ападкі ў выглядзе слабога снегу.
Ва ўмовах нізкай тэмпературы, сонца і павышанай вільготнасці вялікая імавернасць з'яўлення цікавых аптычных з'яў тыпу гало, ілжэсонцаў, пурпуровых заходаў і светлавых слупоў.
У сераду ноччу тэмпература складзе мінус 18-24, у паўночна-ўсходніх раёнах Віцебскай і Магілёўскай абласцей - 25-28 градусаў марозу, па паўднёва-заходняй частцы краіны - 11-17 градусаў ніжэй за нуль. Днём чакаецца мінус 9-15. Будзе пераважна без ападкаў, толькі па паўднёвым захадзе краіны чакаюцца снег, слабая мяцеліца.
У чацвер ноччу тэмпература складзе мінус 9-16, па паўночна-ўсходняй частцы краіны — 17-24 градусаў марозу, пры праясненнях - 25-28 градусаў ніжэй за нуль. Днём — мінус 7-14, па паўночным усходзе — да мінус 16. Будзе пераважна без ападкаў, толькі па паўднёвым захадзе краіны чакаецца кароткачасовы снег.
У пятніцу ноччу тэмпература складзе мінус 11-18, пры праясненнях - да мінус 23, у паўднёва-заходніх раёнах - 9-10 градусаў ніжэй за нуль. Днём прагназуецца мінус 5-12. Будзе пераважна без ападкаў, толькі ноччу па паўднёвым захадзе краіны чакаецца кароткачасовы снег.
