Камандзір падраздзялення «Самалі» Узброеных сіл «ДНР» Міхаіл Талстых (пазыўны Гіві) быў забіты ў Данецку.
Пра гэта паведаміла аператыўнае камандаванне ДНР.
«Сёння ў 06:12, у выніку тэрарыстычнага акту загінуў герой ДНР, камандзір батальёна «Самалі» палкоўнік Міхаіл Талстых, вядомы як Гіві», — гаворыцца ў паведамленні.
У ДНР сцвярджаюць, што аперацыя была праведзена ўкраінскімі сілавікамі.
Баявік па мянушцы Ахра ў гутарцы з журналістамі «РЕН ТВ» пацвердзіў, што Міхаіла Талстых забілі ва ўласным кабінеце. Паведамляецца, што ў памяшканні ён знаходзіўся не адзін — з ім былі яшчэ два калегі.
Раней стала вядома, што выбух адбыўся ў выніку стральбы з рэактыўнага пяхотнага агнямёту (РПА) «Чмель».
Падрабязнасці ўдакладняюцца.
37-гадовы Талстых да 2014 года працаваў кіроўцам пагрузчыка на канатным заводзе.
Гіві вылучаўся асаблівай жорсткасцю. Сярод іншага, ён асабіста катаваў палонных украінскіх вайскоўцаў і супрацоўнікаў Міністэрства ўнутраных спраў.
Раней выбухам бомбы ў ліфце быў знішчаны іншы камандзір баевікоў Матарола. У таямнічых абставінах загінулі таксама палявыя камандзіры Бэтмэн, Мазгавой, Дромаў, Ішчанка, першы кіраўнік «ЛНР» Болатаў ды іншыя. У той жа час кіраўнікі «ЛНР» Платніцкі і «ДНР» Захарчанка выжылі пасля раненняў.
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця20
Каментары