Пра гэта са спасылкай на крыніцы ў Мінабароны Ізраілю паведамляе выданьне Jerusalem Post. Чакаецца, што першая пастаўка ракетных батарэяў S‑300 адбудзецца не пазьней за верасень.
У мінулым сьнежні Іран заявіў, што замовіў набыцьцё некалькіх ракетаў S‑300. Але Масква абвергла паведамленьні аб сваім удзеле ў гэтай зьдзелцы.
Паводле выданьня, Іран ужо мае некалькі сыстэмаў С-300. Гэты комплекс здольны адсочваць адначасна 100 мэтаў і зьнішчаць самалёты на адлегласьці 120 км.
Паводле ізраільскіх экспэртаў, для разгортваньня комплексу і падрыхтоўкі адпаведных спэцыялістаў Ірану спатрэбіцца прыклада год.
У сваю чаргу Масква аспрэчвае факт зьдзелкі з Тэгеранам.
Тым часам, аналітык і выдавец ўплывовага брытанскага ваеннага часопісу Janes Air-Launched Weapons Робэрт Хьюсан на старонках выданьня піша, што адпаведная зьдзелка была ажыцьцёўленая пры пасярэдніцтве Беларусі. Гэта дазволіла Расеі, якая даўно раздражняе Захад сваім ядзерным супрацоўніцтвам з Іранам, фармальна ня ўдзельнічаць у ёй.
