tass.ru
Былы прэзідэнт Украіны Віктар Януковіч заявіў, што не звяртаўся да Расіі з просьбай увесці войскі ў рэспубліку, перадае ТАСС са спасылкай на пакуль не апублікаванае інтэрв'ю Януковіча групе журналістаў.
«Я не прасіў уводзіць войскі ва Украіну. Гэта не так», — сказаў ён і дадаў, што лісты прэзідэнту Расіі Уладзіміру Пуціну ён не пасылаў, а накіраваў заяву. «Гэта не ліст, а заява, па-першае. Па-другое, ёсць законы. Я не здраджваў свайму народу, я спрабаваў свой народ абараніць, і зрабіць гэта ў рамках сваіх паўнамоцтваў», — сказаў Януковіч.
Ён растлумачыў, што яго галоўнай мэтай пры гэтым было «спыніць банды нелегалаў», якія «пачалі знішчаць людзей на Данбасе». «Я шукаў спосабы абароны для людзей», — сказаў Януковіч.
***
Пра тое, што Януковіч папрасіў увесці войскі ва Украіну, 4 сакавіка 2014 года на пасяджэнні Рады бяспекі ААН заяўляў пастаянны прадстаўнік Расіі Віталь Чуркін.
Копія заявы былога прэзідэнта Украіны Віктара Януковіча да прэзідэнта Расіі з просьбай ўвесці войскі ва Украіну была апублікаваная украінскім выданнем «Цензор.НЕТ». У ёй сказана, што падзеі на Майдане прывялі да таго, што «Украіна апынулася на парозе грамадзянскай вайны».
«У гэтай сувязі звяртаюся да прэзідэнта Расіі У. У. Пуціна з просьбай выкарыстаць узброеныя сілы Расійскай Федэрацыі для аднаўлення законнасці, міру, правапарадку, стабільнасці і абароны насельніцтва Украіны», — казалася ў звароце.