Тысячы людзей выйшлі на вуліцы ў Віцебску і Бабруйску ФОТА, ВІДЭА

У Віцебску хрысціянская дэмакратка Таццяна Севярынец заклікала правесці наступнае шэсце 25 сакавіка, на Дзень Волі.

Віталь Рымашэўскі пасля мітынгу ў Бабруйску:

Чаму выйшлі людзі ў Віцебску? Што імі рухала? Апытаныя карэспандэнтамі «Нашай Нівы»прыводзілі розныя прычыны. Але іх аб'ядноўвала незадаволенасць эканамічнай палітыкай уладаў. Але і тэма недаверу Аляксандру Лукашэнку праходзіла праз адказы большасці пратэстоўцаў.

Пратэстовец у Віцебску:

Разам з пратэстоўцамі прайшла каардынатарка Беларускай Хрысціянскай Дэмакратыі ў Віцебску Таццяна Севярынец. Фота Ірына Арахоўскай:

Людзі розных пакаленняў і сацыяльных груп бралі ўдзел у пратэсце ў Віцебску:

Юнакі на пратэсце ў Баранавічах:

Віцебск, пратэстоўцы ля Філармоніі:

«Многа крыкуноў тут, — кажа мужчына гадоў 50-ці. — Крычаць «Лукашэнка, ухадзі», а хто замест яго прыйдзе», — ён выступае супраць радыкальных лозунгаў, лічыць, што трэба абмежавацца адменай дэкрэта.

У Віцебску некалькі невядомых са схаванымі тварамі час ад часу выкрыквалі «Слава Расіі». Але іх не падтрымлівалі, а агулам плошча скандавала «Жыве Беларусь!»

Палымяная прамова абуранага беларуса ў Баранавічах:

Тысячы людзей у Віцебску скандуюць «Жыве Беларусь!». Дрыжыкі па скуры, калі слухаеш відэа.

Відэа з Бабруйску: агромністая колькасць людзей.

#Бабруйск зараз. Людзі працягваюць падыходзіць. Машыны сігналяць у падтрымку #дармаеды pic.twitter.com/1AIuMmL1kc

— Viasna (@viasna96) 26 февраля 2017 г.

«Супраць Лукашэнкі ідзём! — кажа на камеру жанчына ў Віцебску. — Мяне і маю сям'ю дэкрэт не зачапіў. Я проста супраць яго выйшла! Дзеля будучыні маіх унукаў!»

«Я таксама працуючы чалавек, — дадае чалавек, што ідзе побач. — У мяне пяць гадоў заробак не павышаўся!»

«Лукашэнка не кіраўнік, ён абы-што! Разваліў і заводы, і калгасы. Які ў нас завод працуе? Людзі едуць у Расію зарабляць, сем'і распадаюцца! Людзі проста існуюць пры ягонай уладзе, не жывуць, а існуюць», — крычыць у камеру пенсіянерка.

«А што ён кажа, што яго выбіраюць — ніхто яго не выбірае. Гэта не прэзідэнт, а проста дыктатар!» — кажа пенсіянерка.

«Ён паказаў, што ён няздольны, мы пераканаліся», — дабаўляе іншая пенсіянерка.

«Самае галоўнае — свабода!», — кажа юнак, з выгляду — студэнт.

Крэатыўны пратэст з Баранавіч:

Баранавічы, крэатыўная жанчына на маршы pic.twitter.com/kY0O8dEyC1

— NN.BY / «Наша Ніва» (@nasa_niva) 26 февраля 2017 г.

Самы папулярны слоган у Брэсце быў «Баста!».

Вуліца Леніна ў Віцебску:

Фота Ірыны Арахоўскай з Віцебска:

У Брэсце пратэст не самы шматлюдны. У Шэсці ідуць тры сотні людзей. Але яны выдатна арганізаваныя, маюць мегафон і гучна, дружна скандуюць.

«Не дэкрэту нумар тры! Лукашэнка, ухадзі!» — скандуюць маніфестанты на вуліцы Савецкай у Брэсце.

У Віцебску так шмат людзей, што яны не змяшчаюцца на тратуары і занялі крайнюю паласу вуліцы.

У Баранавічах на плошчу Леніна выйшлі простыя рабацягі. Гаварыць прыгожа не ўмеюць, таму проста кажуць аб набалелым: «Не плацяць грошай, адпраўляюць за свой кошт».

У Брэсце маніфестанты рушылі вуліцай Савецкай.

Каля 1000—1200 чалавек бяруць удзел у шэсці да плошчы Свабоды ў Віцебску, паведамляе карэспандэнт «Нашай Нівы». На відэаанлайне чуваць, як машыны сігналяць у падтрымку пратэстоўцаў. Людзі ж пераважна ідуць моўчкі. Калона расцягнулася на сотні метраў.

Яшчэ сцэнка з Віцебска. 

Яшчэ фоты з Віцебска:

Людзі ў Віцебску рушылі шэсцем па тратуарах да плошчы Свабоды.

«Наконт дармаедства прыйшлі, наконт таго, што няма работы прыйшлі. Трэба, каб работу давалі людзям! — кажа хлопец гадоў 25 у Віцебску, — Сабралася шмат людзей!» — адзначае ён.

Народ посціць у Віцебску відэа з шэсця:

Народ пошел #витебск pic.twitter.com/aZxQxeukMH

— Алексей Кириленко (@Kirilenko_a) 26 февраля 2017 г.

У Брэсце людзі накіраваліся да аблвыканкама, выгукваючы «Лукашэнка, ухадзі». Усяго на плошчы каля 300 чалавек.

Вось фота:

Народ подтягивается, но слабо pic.twitter.com/SZFpWjlXmw

— Виртуальный Брест (@VirtualBrest) 26 февраля 2017 г.

У Баранавічах колькасць людзей на плошчы дасягнула 300 чалавек. Аўтамабілі, што праязджаюць побач, сігналяць. Людзі наракаюць, што аўтобусы ў горадзе сёння перасталі хадзіць па раскладзе. На далёкіх раёнах поўныя прыпынкі людзей.

Віцебск:

Каля тысячы чалавек сабралася на плошчы ў Бабруйску. Перад імі выступіў ураджэнец горада, адзін з кіраўнікоў Беларускай хрысціянскай дэмакратыі і экс-кандыдат у прэзідэнта Віталь Рымашэўскі.

У #Бабруйск пачаўся мітынг, зараз на плошчы каля 1000 чалавек #дармаеды pic.twitter.com/ntz2JsHOK6

— Viasna (@viasna96) 26 февраля 2017 г.

Мужчына ў Віцебску: Так жить нельзя, надо работать, а не отдыхать в Сочи. Мы хотим лучшей жизни. Мы хотим, чтобы к власти пришел человек, который хочет лучшей жизни, а не вел в тупик.

Колькасць людзей у Віцебску дасягнула 700 чалавек.

Сход у Віцебску абсалютна стыхійны, арганізацыі ніякай. Але людзей сабралася салідная колькасць.

Правакатарам ён палічыў чалавека, які не прагаласаваў, не падняў руку супраць дэкрэта.

Як перадае карэспандэнт «Нашай Нівы» з Баранавіч, там у шэрагі пратэстоўцаў пранік правакатар. Яго выгнаў мужык са словамі «Я вэдэвэ, б…, ідзі сюда!!»

У Берасці машыны на вуліцы Леніна сігналяць, падтрымліваюць пратэстоўцаў.

Колькасць пратэстоўцаў у Баранавічах вырасла да 200 чалавек, перадае карэспандэнт «Нашай Нівы».

«Жыве Беларусь!» — скандуюць людзі ў Брэсце.
Вось анлайн відэа, праўда, яно перарываецца:

Пратэстоўцы ў Баранавічах: «Мы працуем, але разумеем, што гэтаксама можам застацца за бортам».

«Лукашэнка, ухадзі!» — заклікае аратар на цэнтральнай плошчы ў Брэсце. Там сабралася каля 300 чалавек.

Да сабраных з прамовай звярнуўся жыхар горада Аляксандр Кабанаў.

Баранавічы:

У Баранавічы прыехаў падтрымаць пратэстоўцаў Анатоль Лябедзька. На плошчы — каля ста чалавек.

Людзі пратэстуюць у Баранавічах:

Відэаанлайн з Брэста, на цэнтральнай плошчы людзей няшмат:

Даем картинку из Бреста https://t.co/cGUgA94YqE

— Виртуальный Брест (@VirtualBrest) 26 февраля 2017 г.

Каля 70 чалавек ужо сабраліся на плошчы ў Баранавічах, перадае карэспандэнт «Нашай Нівы». Моладзі мала, пераважна старэйшыя людзі. Моцна замятае снег.

Выйшлі бацькі маладзёнаў, якія не могуць уладкавацца. «Работы няма, мы за іх заплацім, а на наступны год зноў плаціць?» — кажуць бацькі.

Віцебск, людзі збіраюцца:

Тым часам заўсёднік БТ і АНТ Пётра Пятроўскі назваў абаронцаў Курапат «п…».

Віцебск: «Мы вымрем без России на следующий день. У нас ничего нет, они дают газ, все. Без них мы никто», — кажа адна з жанчын на плошчы ў Віцебску.

Юрась і ягоныя сябры прыехалі з Мінска падтрымаць віцебчукоў.

На плошчу ў Віцебску нагналі дзяцей на Масленку. А людзі, што прыйшлі на акцыю, трымаюцца на абочыне.