Месцы для пасажыраў сташэйшага ўзросту ў мінскім метро стануць больш прыкметнымі. Пра гэта паведамілі ў твітары метрапалітэна.
@minmetro
На сядзенні ля ўваходу ў вагон будуць нанесеныя абазначэнні — жоўты круг з фігурай чалавека з палачкай, які сядзіць. Пакуль новаўвядзенне можна ўбачыць толькі ў адным саставе на 1-й лініі.
Да гэтага месцы для інвалідаў і пажылых людзей вылучылі яркімі жоўта-аранжавымі палосамі і адпаведнымі эмблемамі ў наземным гарадскім грамадскім транспарце сталіцы. Такія захады — напамін мінчанам і гасцям сталіцы аб тым, што трэба больш уважліва ставіцца адно да аднаго.
0
0
0
0
0
0
