Акцыі «недармаедаў» у Мінску, Бабруйску, Пінску, Брэсце не адмяняюцца
Кіраўнік Беларусі Аляксандр Лукашэнка 9 сакавіка прыняў рашэнне аб прыпыненні дзеяння Дэкрэту №3, які выклікаў хвалю вулічных пратэстаў па ўсёй краіне.
Ці не плануюць у сувязі з гэтым арганізатары мерапрыемстваў адмовіцца ад будучых акцый?
Прадстаўніца прафсаюза РЭП (работнікаў радыёэлектроннай прамысловасці) Галіна Смірнова запэўніла «НН», што ў 12 сакавіка ў Бабруйску акцыя адбудзецца, як планавалася. «Прыпыненне — гэта не адмена. Усё паводле плану, мы ў гэтыя гульні і абяцанкі-цацанкі не верым», — сказала яна.
У Бабруйску акцыя мае пачацца а 12 гадзіне на Плошчы Перамогі, а потым людзі хочуць прайсціся шэсцем па горадзе. Таксама ў гэты дзень людзі павінны выйсці ў Оршы.
Прадстаўнік АГП Аляксандр Кабанаў таксама кажа, што ніхто не адмяняе будучыя вулічныя акцыі ў Брэсце і Пінску. У Пінску выступ людзей чакаецца ў суботу 11 сакавіка.
Гэтаксама ніякай карэкцыі не будзе і ў мерапрыемства, што запланаванае на 15 сакавіка ў Мінску. Старшыня АГП Анатоль Лябедзька мяркуе: «Гэта часовая замарозка, а не рашэнне праблемы. Трэба дабівацца поўнай адмены Дэкрэта №3».
Цяпер чытаюць
Азараў закрыў план «Перамога» і перавёў усіх удзельнікаў у рэзерв17
Азараў закрыў план «Перамога» і перавёў усіх удзельнікаў у рэзерв
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3333
Каментары