«Лейтэнант Шарай» — так прадставіўся гэты чалавек, які на чыгуначным вакзале ў Оршы затрымаў «для высвятлення асобы» фатографа «Нашай Нівы» Сяргея Гудзіліна і карэспандэнтку партала Naviny.by Адар'ю Гуштын.
Нагадаем, што ў Оршы затрыманыя журналісты «Нашай Нівы» Сяргей Гудзілін, Навін.бай Адар'я Гуштын, Тут.бая Таццяна Матвеева, Народных навін Віцебска Сяржук Серабро.
Гудзіліна «вялі» ў электрычцы ад самага Мінска:
Раней Гудзілін нам пісаў з электрычкі: «Электрычка Мінск — Орша. Транспартная міліцыя правярае дакументы ў падазроных асоб па нейкіх арыенціроўках. Падазронай асобай аказаўся на ўвесь вагон я». І потым: «І тут да мяне яшчэ трое спецназаўцаў селі ў вагон у Крупках. Ну эта случайнасць, наверна».
Калі Гудзілін выходзіў у вагоне ў туалет, за ім да дзвярэй хадзілі міліцыянты.
Журналістаў у Оршы адпусцілі з міліцыі, калі шэсце ў горадзе ўжо сканчалася.
Затрыманні сёння адбыліся і ў іншых гарадах.
У Кобрыне затрыманыя мясцовыя жыхары Алесь Мех і Васіль Андраюк, якія кіраваліся ў Брэст для ўдзелу ў акцыі пратэсту.
У Брэсце затрыманыя блогеры Дзмітрый Гарбуноў і Сяргей Пятрухін.
У Оршы актывіста Ігара Грышанава затрымалі на запраўцы на рэмзаводзе. Прыйшлі з ордэрам на вобшук у кватэру праваабаронцы Васіля Бераснева. У сваім доме заблакаваны Павел Кінчак. Вобшук ідзе ў журналіста, намесніка старшыні АМГА «Звяз» Арцёма Сізінцава. Раніцай да яго прыйшлі супрацоўнікі праваахоўных органаў і распачалі вобшук таксама па падазрэнні ў фальшываманетніцтве. Пакуль гаспадар быў на рабоце, з вобшукам прыйшлі да сацыял-дэмакрата Канстанціна Анташкевіча. Таксама міліцыя стаіць каля дома Валянціны Ігнаценкі — старшыні гарадской арганізацыі Аб'яднанай грамадзянскай партыі. Міліцыя дзяжурыць і каля дома сябра Партыі БНФ Віталя Паўлава. А ў кватэры, якая належыць Ігару Казмерчаку (там пражывае дзядуля актывіста), міліцыянт сядзіць ад самай раніцы.
У Бабруйску затрыманая прафсаюзная лідарка і актывістка АГП Галіна Смірнова.
У Маладзечне пад арыштам застаюцца палітыкі Анатоль Лябедзька, Віталь Рымашэўскі, Вольга Кавалькова, Юрась Губарэвіч.
У Брэсце з-пад арышту пакуль не выпусцілі мясцовых анархістаў.
У Бярозе пад арыштам застаецца фермер Аляксандр Кабанаў.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў28
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары