Выступы за адмену дэкрэта №3 перараслі ў дэманстрацыі за адстаўку Лукашэнкі: 18 чалавек затрымана ў Оршы
Дэманстрацыі за адмену дэкрэта №3 перараслі ў выступы за адстаўку Аляксандра Лукашэнкі і правядзенне свабодных выбараў. У нядзелю самая вялікая акцыя адбылася ў Оршы.
Там на Плошчу выйшла тысяча чалавек. Яны прайшлі шэсцем да будынку выканкама. Выступу пратэсту такога маштабу ў Оршы не было ад 1991 года.
Шэсце ў Оршы ўзначаліў Павел Севярынец.
У адказ улады правялі затрыманні.
Затрымлі Паўла Севярынца і кіроўцу Ігара Нірмана, які яго вёз. Затрымалі журналістку Радыё Свабода Галіну Абакунчык, фатографа БелаПАН Андрэя Шаўлюгу і блогерку Анастасію Пілюгіну, журналіста «Белсата» Аляксандра Баразенку і Кацярыну Бахвалаву.
Журналісты «Нашай Нівы», TUT.BY і «Народных навінаў Віцебска», БелаПАН былі затрыманыя для праверкі дакумэнтаў яшчэ перад пачаткам «Маршу недармаедаў», пазней адпушчаны, як і Баразенка.
Таксама ў Воршы быў затрыманы аршанскія актывісты Ігар Грышанаў, Віктар Міхасёў і Віктар Андрэеў, Яўген Анішчанка.
Пасля акцыі ў Воршы затрымалі і грамадзянскіх актывістаў з Горак Андрэя Юркова і Валерыя Кісялевіча, перадае сайт Orsha.eu. Быў затрыманы і Васіль Бераснеў, які вёў мітынг.
Каментары