14.03.2017 / 21:31

Канстытуцыйны суд: Увядзенне «падатку на дармаедства» адпавядае Канстытуцыі 99

Увядзенне збору на фінансаванне дзяржвыдаткаў адпавядае Канстытуцыі. Пра гэта сказана ў адказе Канстытуцыйнага суда на электронныя звароты грамадзян па дэкрэце №3, размешчаным на сайце КС.

Канстытуцыйны суд праводзіць абавязковы папярэдні кантроль канстытуцыйнасці законаў, прынятых парламентам, да іх падпісання прэзідэнтам. Ацэньвалася і канстытуцыйнасць законаў, якія прадугледжвалі ўнясенне змяненняў і дапаўненняў у Падатковы кодэкс у частцы аднясення збору на фінансаванне дзяржаўных выдаткаў, уведзенага дэкрэтам, да рэспубліканскіх падаткаў, збораў (пошлін), а таксама ў Кодэкс аб адміністрацыйных правапарушэннях у частцы замацавання адміністрацыйнай адказнасці за нявыплату або няпоўную выплату збору.

«Канстытуцыйны суд прыйшоў да высновы, што такое прававое рэгуляванне грунтуецца на палажэннях артыкулаў 56 і 133 Канстытуцыі і накіраванае на выкананне абавязку плаціць законна ўстаноўленыя падаткі, пошліны і іншыя плацяжы», — гаворыцца ў паведамленні суда.

«Выплата падаткаў, пошлін і іншых плацяжоў з'яўляецца безумоўным патрабаваннем дзяржавы, што вынікаюць з канстытуцыйнага абавязку кожнага прымаць удзел у фінансаванні дзяржаўных расходаў (артыкул 56 Канстытуцыі)», — дадалі ў КС.

Канстытуцыйны суд таксама не выявіў прабелаў, калізій і прававой нявызначанасці, якія маюць канстытуцыйна-прававое значэнне і якія з'яўляюцца падставай для распачацця Канстытуцыйным судом справы аб іх выключэнні.

1
le mantar / Адказаць
14.03.2017 / 21:32
Ну што, нехта яшчэ працягвае думаць, што ў гэтай краіне ёсць нейкі Канстытуцыйны суд?..
0
Аляксандр / Адказаць
14.03.2017 / 21:34
Comedy batl))))
0
санітары / Адказаць
14.03.2017 / 21:36
А рабства? Праверце на законнасць рабства!
Паказаць усе каментары/ 99 /
Каб пакінуць каментар, калі ласка, актывуйце JavaScript у наладах свайго браўзеру