Снежная бура, якая абрынулася на ЗША, практычна цалкам паралізавала найбуйнейшы горад краіны — Нью-Ёрк, паведамляюць інфармагенцтвы.
Тут і ніжэй фота: Getty
Улады Нью-Ёрка распарадзіліся закрыць школы і практычна ўсе муніцыпальныя ўстановы. Спынены рух пасажырскіх паромаў на Іст-Рывер і на Гудзоне. У нью-ёркскім метрапалітэне спынены рух цягнікоў на участках шляхоў, якія праходзяць па паверхні. Жыхароў горада просяць не карыстацца асабістым аўтатранспартам.
У нью-ёркскіх аэрапортах адменена або перанесена каля 1,2 тыс. рэйсаў. Раней паведамлялася, што ў цэлым па краіне адменена больш за 5 тыс. рэйсаў.
У суседнім з Нью-Ёркам штаце Канектыкут улады прынялі рашэнне аб поўным спыненні руху транспарту, за выключэннем машын дзяжурных службаў.
Моцны снегапад таксама выклікаў масавыя адключэнні электраэнергіі. Так, на Усходнім узбярэжжы ЗША без электрычнасці засталіся больш за 100 тысяч спажыўцоў. Найбольш пацярпелі штат Вірджынія (абясточана каля 50 тысяч домаўладанняў) і суседні Мэрыленд (каля 30 тысяч домаўладанняў). Некалькі тысяч спажыўцоў не маюць электраэнергіі ў штатах Дэлавэр, Нью-Джэрсі і Філадэльфія.
На вуліцы амерыканскіх гарадоў выведзеныя тысячы адзінак снегаўборачнай тэхнікі. Ва ўборцы снегу супрацоўнікам камунальных службаў дапамагаюць вайскоўцы Нацыянальнай гвардыі.
