17.03.2017 / 11:26

Пакрыццё мінчанамі затрат на паслугі водазабеспячэння і водаадвядзення ў 2017 годзе перавысіць 77% 2

Пакрыццё насельніцтвам затрат на аказанне паслугі водазабеспячэння і водаадвядзення (каналізацыі) па выніках 2017 года ў Мінску перавысіць 77%, паведаміў дырэктар КУП «Мінскводаканал» Алег Аўруцін сёння на пасяджэнні рабочай групы па пытаннях ўтрымання і добраўпарадкавання тэрыторый сталіцы.

«Узровень кампенсацыі затрат насельніцтвам па паслугах водазабеспячэння за студзень гэтага года склаў 64,4%, што на 15% вышэй за аналагічны перыяд 2016 года, па водаадвядзенні — 67,2% (вышэй на 28,6%). Чакаецца, што ў 2017 годзе ўзровень кампенсацыі затрат насельніцтвам па водазабеспячэнні складзе 77,7%, па водаадвядзенні — 78,1%. Такім чынам, спланавана поўнае дасягненне ўстаноўленых заданняў», - сказаў Алег Аўруцін.

Дырэктар «Мінскводаканала» звярнуў увагу, што вызначаныя пастановай Савета Міністраў планава-разліковыя цэны на паслугі водазабеспячэння і водаадвядзення (каналізацыі) на 2017 год у студзені ў Мінску не былі перавышаныя. Так, у адпаведнасці з нарматыўным дакументам тарыф на водазабеспячэнне ўстаноўлены ў памеры Br0,7638 за 1 куб.м, на паслугі водаадвядзення (каналізацыі) - Br0,5103 за 1 куб.м. «Па выніках працы за студзень 2017 года сабекошт 1 куб.м па водазабеспячэнню склала Br0,7, па паслугах водаадвядзення - Br0,4377. Такім чынам, устаноўленыя планава-разліковыя цэны за студзень не перавышаны», - адзначыў Алег Аўруцін.

0
ххх / Адказаць
17.03.2017 / 11:39
Тариф на воду вырос по сравнению с декабрем на 90%, техническое обслуживание лифта - на 72%, санитарное содержание вспомогательных помещений - на 66%, электроэнергия на работу лифтов - на 81%, подогрев воды и отопление - на 17%. Мой счет на коммуналку вырос на 24%.
0
Бурбулятар / Адказаць
17.03.2017 / 13:56
Мы заўсёды ў даўгу перад аЙЧЫНАЙ. Гэта ж трэба так заблытацца.
Каб пакінуць каментар, калі ласка, актывуйце JavaScript у наладах свайго браўзеру