17.03.2017 / 18:37

Рэдактарку сайта Kraj.by будуць судзіць за артыкул пра акцыю «недармаедаў» у Маладзечне 21

Супрацоўнікі міліцыі склалі адміністрацыйны пратакол на рэдактарку сайта Kraj.by Святлану Цішко. Журналістку вінавацяць у парушэнні парадку арганізацыі масавых мерапрыемстваў (арт. 23.34).

Прэтэнзіі міліцыі заключаюцца ў тым, што інфармацыйны сайт паведамляў пра падрыхтоўку несанкцыянаванай акцыі пратэсту супраць Дэкрэта №3, якая адбылася ў мінулую пятніцу ў Маладзечне.

Супрацоўнікі міліцыі лічаць, што размяшчэннем такой інфармацыі рэдактар сайта заклікала грамадзянаў да ўдзелу ў несанкцыянаваным мітынгу. Сама Святлана Цішко перакананая, што ніякім чынам не парушала заканадаўства і нікога не заклікала нікуды выходзіць.

— Гэта быў звычайны інфармацыйны матэрыял пра тое, як у горадзе рыхтуюцца да акцыі, напярэдадні якой цэнтральную плошчу Маладзечна нават абнеслі металічнай агароджай, — расказала Святлана прэс-службе БАЖ.

Паводле супрацоўнікаў міліцыі, пратакол супраць Святланы Цішко перададзены ў суд.

3
алекс / Адказаць
17.03.2017 / 18:47
Начинают прессовать журналистов. Видать дела у них совсем плохи))
0
Nomen est omen / Адказаць
17.03.2017 / 18:52
А міліцыя лічыць, што у нас народ не мае права ведаць нічога. А як наконт права грамадзяніна на інфармацыю ? Яно не падабаецца Шуневічу ?
0
увы. / Адказаць
17.03.2017 / 18:56
затыкают рты и запугивают. готовятся удавить протест до 25го.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру