У Барысаве сёння карэспандэнтку «Белсата» Вольгу Чайчыц і апэратара Сяргея Кавалёва затрымалі ў жывым эфіры ў цэнтры горада.
Журналісты прыбылі асьвятляць магчымую сацыяльную акцыю пратэсту, да якой напярэдадні заклікалі беларускія анархісты ў розных гарадах Беларусі, у тым ліку ў Барысаве.
Таксама прэвэнтыўна затрымалі сябра БАЖ Алеся Абрамовіча. Затрыманьне адбылося напярэдадні акцыі сацыяльнага пратэсту, да якой заклікалі беларускія анархісты ў шэрагу гарадоў на 18-19 сакавіка, у тым ліку ў Барысаве, паведамляе радыё «Свабода».
Разам з Алесем Абрамовічам быў сябра АГП Іван Помазаў.
Затрыманыя пасьпелі паведаміць, што міліцыя іх падазрае ў арганізацыі несанкцыянаванай акцыі. Тэлефоны ў затрыманых адабралі.
Акцыя ў Барысаве, паведамляе «Белсат», не адбылася.
