20.03.2017 / 17:38

Святлана Алексіевіч узначаліла раду стыпендыі імя Магдалены Радзівіл 9

20 сакавіка «Саюз беларускіх пісьменнікаў» абвясціў пра заснаванне стыпендыі імя Магдалены Радзівіл для пісьменніц і перакладчыц і назваў імёны стыпендыятак.

Стыпендыя прызначаная на творчую працу і будзе ўручацца раз на год. Узрост аўтарак, намінаваных на яе, не абмяжоўваецца.

Спіс кандыдатак і імёны пераможцаў абіраюцца Радай стыпендыі, у склад якой уваходзяць: Святлана Алексіевіч (старшыня Рады), Уладзімір Арлоў, Алена Макоўская, Барыс Пятровіч (Сачанка), Юлія Чарняўская.

Сёлетнімі стыпендыяткамі сталі: Таццяна Барысік (Магілёў), Алена Брава (Барысаў), Дар’я Ліс (Смаргонь).

Магдалена Радзівіл была адной з найшчадрэйшых фундатарак беларускай культуры і прэсы ў першай палове ХХ ст. За сваё спрыянне беларушчыне яна ўвайшла ў канфлікт з некаторымі сваімі сваякамі, перакананымі палякамі.

nn.by

23
Грибоедов, Алесандр Сергеевич / Адказаць
20.03.2017 / 17:49
Всех, кому в силу таланта или его отсутствия стипендия не угрожает, просим не волноваться. А "на весь мир излить всю желчь и всю досаду" можно и в другом месте, где бродит горе от ума.
2
Балканскі Башта / Адказаць
20.03.2017 / 19:04
...вось наконт узросту - слушна! Таленавітых жанчын у нашай літаратуры трэба падтрымліваць не зважаючы на моладзевую недапенсійнасць.
7
Свой / Адказаць
20.03.2017 / 19:59
А творцау-мужыкоу Магдалена недалюбливала и не падтрымоувала?...
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру