На Рэчыцкім мэтызным заводзе вырабілі досьледную партыю цьвікоў, якія можна ўбіваць у мэтал, напрыклад, чыгуначную рэйку.
Замову на выраб крапяжу з унікальнымі ўласьцівасьцямі прадпрыемства атрымала ад адной зь нямецкіх фірмаў.
У выпадку станоўчага выніку выпрабаваньня першай партыі завод атрымае замову на выраб прамысловай партыі адмысловых цьвікоў, кошт якіх на сусьветным рынку ў 8‑10 разоў большы за звычайныя цьвікі.
У краінах СНД гэткая прадукцыя не выпускаецца. У Эўропе яе вырабляе толькі адзін завод.
Асаблівыя ўласьцівасьці крапёж мае багата ў чым дзякуючы спэцыяльнай марцы сталі, распрацаванай спэцыялістамі беларускага мэталюргічнага заводу.
Забіваюцца цьвікі ў мэтал з дапамогай газавага пісталета.
0
0
0
0
0
0
