У Гродне пенсіянерка 1928 года нараджэння праз узрост мела патрэбу ў масажных працэдурах і стала шукаць прыдатнага спецыяліста. Знайшла мужчыну. Той не меў адпаведнай ліцэнзіі, аднак правёў масаж і працэдуру лячэбнай гімнастыкі.
Пасля гэтых маніпуляцый жанчына адчула сябе значна горш, трапіла ў шпіталь і неўзабаве памерла.
Па заключэнні судмедэксперта, ёй былі прычынены цяжкія цялесныя пашкоджанні (а менавіта некалькі закрытых пераломаў), якія і прывялі да трагічнага выніку.
У дачыненні да 37-гадовага мясцовага жыхара распачата крымінальная справа. Яго вінавацяць у незаконнай доктарскай дзейнасці, якая прывяла да смерці чалавека. Цяпер масажысту пагражае да сямі гадоў пазбаўлення волі, паведамляе прэс-служба УУС Гродзенскага гарвыканкама.
