У сакавіку Міністэрства ўнутраных спраў абвясьціла конкурсы на закупку новых аўтазакаў, мікрааўтобусаў, легкавікоў. Інфармацыя пра гэта разьмешчаная на сайце дзяржаўных закупак icetrade.by.
фота Ірыны Арахоўскай
Цягам сакавіка Дэпартамэнт фінансаў і тылу МУС разьмясьціў чатыры заяўкі на закупку новага транспарту. 13 сакавіка Галоўнае ўпраўленьне камандуючага ўнутранымі войскамі апублікавала запыт на сем тыпаў аўтамабіляў. У гэтым сьпісе 11 легкавых апэратыўных аўтамабіляў (Geely Emgrand 7 ці аналяг), два мікрааўтобусы на 18 месцаў (сіняга колеру), чатыры МАЗы сэрыі 531605 для перавозкі асабістага складу, 5 патрульных УАЗаў, 5 аўтазакаў ГАЗ-2705, адзін грузавы МАЗ і адзін аўтамабіль для сапёрна-піратэхнічнай групы.
24 сакавіка разьмешчаная заяўка на 28 матацыклаў. Патрабаваньне да транспартнага сродку — 4-тактавы рухавік аб’ёмам ня менш за 790 см³. Колер мусіць быць белым ці серабрыстым.
27 сакавіка МУС разьмясьціў заяўку на спэцаўтамабіль з пастаянным поўным прывадам.
У заяўцы ад 28 сакавіка — замова на 10 легкавікоў. У дакумэнтах удакладняецца, што згодна з Указам прэзыдэнта «Аб упарадкаваньні набыцьця службовых легкавых аўтамабіляў», кошт аўто не павінен перавышаць суму эквівалентную 25 000 эўра з улікам мытных і іншых плацяжоў.
Крыніца фінансаваньня ўсіх закупак — дзяржаўны бюджэт. Аднак аб’ём бюджэту для кожнага лоту ў заяўках не пазначаны.
З 2012 года icetrade.by — афіцыйны сайт для дзяржаўных закупак. Асноўная задача рэсурсу, як пра гэта напісана на сайце, — забесьпячэньне інфармацыйнай адкрытасьці і празрыстасьці закупак.
Цяпер чытаюць
«Мы не ведалі Сяргея Ціханоўскага да сённяшняй прэс-канферэнцыі»12
Каментары