Пра гэта дзяржаўны сакратар Рады Бяспекі РБ Станіслаў Зась распавёў kp.by.
— За тыдзень да 25 сакавіка амаль ад усіх сілавых органаў было шмат навінаў: затрыманні па крымінальных справах былых членаў няіснай ужо арганізацыі «Белы легіён», па дзяржаўных каналах у навінах паказвалі нейкую зброю. Што гэта было?
— Што было, вы самі бачылі. Была спроба правесці несанкцыянаванае мерапрыемства тут у Мінску. Але не дапушчанае. Хацеў бы звярнуць увагу, што ўсё было вельмі карэктна. І ніякіх сілавых мер не ўжывалася.
— Ёсць збітыя людзі …
— Ды не было такога! Я паглядзеў дзясяткі фотаздымкаў, ролікаў, у тым ліку якія ў інтэрнэт выкладзеныя. І атрымаў інфармацыю ад сілавых структур. Вы хоць аднаго чалавека бачылі пабітага, збітага?
— Я бачыла ў Заводскім РУУС, як прывозілі людзей з крывёй на твары. У падранай вопратцы.
— Такіх не было. Ніводны міліцыянт не дастаў дубінку ў ходзе гэтага мерапрыемства. Гэта самае галоўнае.
— Колькі каштавала вывесці тэхніку і такую колькасць сілавікоў у раёне ЦУМа і Акадэміі навук 25 сакавіка?
— Лічыць выдаткі на колькасць людзей, якія забяспечвалі парадак на вуліцы, няправільна.
— Чаму?
— Галоўнае, каб былі забяспечаны парадак і бяспеку нашай краіны. Гэта капейкі насамрэч.
Фота Сяргея Гудзіліна
