У Егіпце ў выніку выбухаў, якія адбыліся каля дзвюх копцкіх праваслаўных цэркваў, загінулі больш за 30 чалавек. Выбуховыя прылады, паводле звестак егіпецкіх уладаў, прывялі ў дзеянне тэрарысты-смяротнікі.
Першы выбух адбыўся ў царкве Мар-Гіргіс у егіпецкім горадзе Танта на поўнач ад Каіра. У Танце загінулі 26 чалавек, 71 атрымаў раненне.
Праз некалькі гадзін другі выбух адбыўся ля копцкай царквы ў Александрыі. Паводле Міністэрства аховы здароўя Егіпта, у Александрыі загінулі 11 чалавек, 66 параненыя.
At least 15 people killed in blast at a church in Egypt's Tanta city, sources say https://t.co/IShkeTStj7
— Al Jazeera English (@AJEnglish) April 9, 2017
Паводле звестак егіпецкіх СМІ, паведамляе CNN, у царкве ў Александрыі ў момант выбуху знаходзіўся кіраўнік Копцкай праваслаўнай царквы патрыярх Фёдар II (Тавадрас II). Ён не пацярпеў.
Выбухі ў копцкіх цэрквах у Егіпце адбыліся ў той момант, калі ў іх сабраліся вернікі на набажэнствы ў гонар Вербнай (Пальмавай) нядзелі.
Адказнасць за тэракты пакуль не ўзяла на сябе ніводная з экстрэмісцкіх груповак. У снежні за выбух у царквы ў Каіры адказнасць ўзялі на сябе баевікі, звязаныя з тэрарыстычнай «Ісламскай дзяржавай».
Каментары