Экс-жонка Джоні Дэпа, актрыса Эмбер Хёрд, збіраецца выйсці замуж за бізнэсмэна Ілана Маска, заснавальніка кампаній SpaceX і Tesla Motors. Пра гэта паведамляюць інфармагенцтвы са спасылкай на Daily Mail.
huffingtonpost.com
Гэтую навіну паведаміў прадстаўнікам СМІ бацька актрысы — Дэвід. Ён адзначыў, што яго дачка вырашыла пасталець і стварыць моцную сям'ю. Яна і яе каханы настроеныя сур'ёзна.
Новую зорную пару заўважылі разам яшчэ летам мінулага года. Таксама вядома, што мільярдэр быў зацікаўлены Эмбер, пачынаючы з 2013 года пасля сумесных здымак у фільме «Мачэтэ забівае».
Нагадаем, што Джоні Дэп і Эмбер Хёрд знаходзіліся ў шлюбе з лютага 2015 года, аднак ужо ў маі 2016 года жонка падала на развод з-за супярэчнасцяў у іх адносінах. Пасля яна абвінаваціла вядомага акцёра ў хатнім гвалце.
celebuzz.com