20.04.2017 / 15:04

Супраць супрацоўнікаў «Прыёрбанка» распачалі крымінальную справу за халатнасць з аперацыямі хакераў 7

Міжнародная злачынная групоўка скрала больш за 8 мільёнаў еўра з замежных банкаўскіх рахункаў і перавяла на рахунак у беларускім банку. Пра гэта на прэс-канферэнцыі распавёў Аляксандр Сушко, начальнік упраўлення па расследаванні злачынстваў супраць інфармацыйнай бяспекі і інтэлектуальнай уласнасці Следчага камітэта.

Reuters.com

Крымінальную справу аб крадзяжах з банкаўскіх карт расследаваў Еўрапол, некалькі фігурантаў затрымалі ў Беларусі. Дзейнасць злачынцаў закранула больш за 130 тысяч трымальнікаў плацежных карт з 29 краін, шкода перавысіла 8 мільёнаў еўра.

Па дадзеных следчых, на працягу 4 месяцаў выкрадзеныя грошы пераводзілі на рахунак у беларускім «Прыёрбанку». Сумы паступалі рэгулярна ў розных сумах ад розных людзей. Пасля грошы былі пераведзены ў Кіпр, затым у Латвію, а там — абнаяўленыя.

Аднак беларускія праваахоўныя органы даведаліся пра злачынства толькі праз два гады пасля паведамлення калегаў з Нямеччыны. Супраць супрацоўнікаў банка распачалі крымінальную справу па артыкуле 428 Крымінальнага Кодэкса Беларусі «Службовая халатнасць».

«Банк не мог не ведаць пра тое, што ў дадзеным выпадку зьдзяйсняецца ашуканская схема, — распавёў Аляксандр Сушко. — Не менш за 30% аперацый былі апратэставаныя і абскарджаныя. На пачатковым этапе супрацоўнікі банка не маглі выявіць гэтыя аперацыі, гэта зразумела. Але я кажу пра наступныя крокі. Павінна быць створана сістэма бяспекі, каб рэагаваць на такія здарэнні».

Следчыя не паведамляюць, колькі супрацоўнікаў банка патрапілі пад следства. Зараз расследаванне справы працягваецца. Банк перавёў больш за 350 тысяч даляраў у мэтах пакрыцця шкоды.

0
user / Адказаць
20.04.2017 / 15:44
Если они не были соучастниками, то дело должно быть закрыто. Под статью 428 УК РБ они просто не попадают. В ней говорится о том, что халатность должна повлечь за собой смерть человека по неосторожности, увечья или нанести государству материальный ущерб в особо крупном размере. В последнее модно всех бездумно сажать.

0
БПСМ / Адказаць
20.04.2017 / 15:44
Нічога ж проста так не бывае.  Схема працавала, бо гэта было камусьці выгодна.
20.04.2017 / 16:19
user, неправильно читаете!!!! Неисполнение либо ненадлежащее исполнение должностным лицом своих служебных обязанностей вследствие недобросовестного или небрежного отношения к службе, повлекшие по неосторожности смерть человека либо иные тяжкие последствия

по тяжким последствиям без привязки к форме собственности (гос или частная)
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру