20.04.2017 / 20:32

Работніц сталовай пры ліцэі МУС злавілі на крадзяжы прадуктаў 22

Раніцай 17 красавіка паблізу дзіцячага лагера «Белыя росы», дзе цяпер месціцца ліцэй МУС, супрацоўнікі АБЭЗ Мінскага РУУС затрымалі 57-гадовую жыхарку Лагойска і 59-гадовую мінчанку, паведамілі ў прэс-службе МУС.

Жанчыны працуюць поварам і пасудамыйкай згодна з дамовай, заключанай ліцэем МУС з УП «Камбінат школьнага харчавання Партызанскага раёна Мінска».

Пры аглядзе іх пакетаў аператыўнікі знайшлі выкрадзеныя прадукты харчавання: мясны фарш, сыр, смятану, сметанковае масла і раслінны алей, чай, маянэз і садавіну.

«Паступіла аператыўная інфармацыя аб тым, што навучэнцам ліцэя выдаюць харчовы пай ніжэй за патрэбную норму, — распавёў начальнік АБЭЗ Мінскага РУУС Георгій Кулікоўскі. — Мы не маглі ў гэта паверыць, бо ў ліцэі навучаюцца і сіроты, і дзеці, якія засталіся без апекі бацькоў, і выхадцы з шматдзетных сем'яў. Красці ў іх ежу, па меншай меры, амаральна. Пакінуць інфармацыю без увагі мы не маглі. На жаль, у выніку аператыўна-вышуковых мерапрыемстваў звесткі пацвердзіліся, што і стала падставай для рэйду па выяўленні правапарушальнікаў».

Пасля затрымання падазраваныя далі прызнальныя паказанні і пакаяліся ў зробленым. У іх дачыненні складзеныя адміністрацыйныя пратаколы па ч. 1 арт. 10.5 КоАП Беларусі («Дробны крадзеж»). Максімальнае пакаранне па дадзеным артыкуле прадугледжвае штраф у памеры 30 базавых велічынь альбо адміністрацыйны арышт.

Выкрадзеныя прадукты вернутыя ў ліцэй.

«Таксама ў адрас працадаўцы жанчын будзе вынесенае прадстаўленне аб ліквідацыі прычын і ўмоў, якія спрыяюць здзяйсненню правапарушэнняў. Гэта, у сваю чаргу, паўплывае на рашэнне аб далейшым падаўжэнні або спыненні працоўных адносін», — адзначылі ў МУС.

nn.by

3
Джон Жарптушкін / Адказаць
20.04.2017 / 20:36
Усе работнікі сталовых крадуць. Ёсьці ж нешта трэба.
1
Моряк / Адказаць
20.04.2017 / 20:39
Да. Такое есть. Только ОБЭП знает, какие зарплаты у этой категории людей, и ЛОВКО ЛОВИТ ПРКСТУПНИКОВ. А как же, на крупное мозгов не хватает, там же целое КГБ. Причины такого-нищета. Не ясно еще?
1
Чек / Адказаць
20.04.2017 / 21:17
Какое мелкое хулиганство? Кодекс Республики Беларусь об Административных Правонарушениях Статья 10.5. Мелкое хищение 1. Мелкое хищение имущества путем кражи, мошенничества, злоупотребления служебными полномочиями, присвоения или растраты, а равно покушение на такое хищение – влекут наложение штрафа в размере от десяти до тридцати базовых величин или административный арест.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру