Берлін узначаліў рэйтынг самых небяспечных гарадоў Германіі. У 2016 годзе ў нямецкай сталіцы на 100 тысяч жыхароў было здзейснена 16161 зарэгістраваных правапарушэнняў. Гэта даныя паліцэйскай крымінальнай статыстыкі, паведамляе DW.
Афіцыйна статыстыка будзе прэзентаваная ў панядзелак кіраўніком МУС Германіі Томасам дэ Мэзьерам.
На другім месцы па колькасці правапарушэнняў знаходзіцца Лейпцыг (15811 на 100 тысяч насельніцтва), на трэцім-Франкфурт-на-Майне (15671). Менавіта Франкфурт узначальваў рэйтынг па выніках 2015 года.
Самым бяспечным горадам Германіі зноў стаў Мюнхен. Правапарушэнняў там у 2 разы менш, чым у Берліне, усяго 7909 на 100 тысяч жыхароў. У групе самых бяспечных гарадоў Германіі знаходзяцца таксама Аўгсбург, Оберхаўзэн і Вісбадэн.
Друкуецца ў межах спецыяльнай рубрыкі «Навіны Германіі»
