Прэзідэнт ЗША Дональд Трамп настойвае на тым, што Паўднёвая Карэя павінна заплаціць за размяшчэнне на сваёй тэрыторыі амерыканскай сістэмы супрацьракетнай абароны THAAD. Пра гэта Трамп заявіў у інтэрв'ю Reuters.
Кошт сістэмы ПРА, разгорнутай у Паўднёвай Карэі, прэзідэнт ЗША ацаніў у 1 мільярд даляраў.
Высокапастаўленая крыніца ў Мінфіне Паўднёвай Карэі, каментуючы заяву Трампа, сказала: «Размовы і рэальная палітыка — розныя рэчы. Пакуль яны [адміністрацыя Трампа] ў нас нічога не прасілі, пачакаем і паглядзім, што будзе далей».
Таксама Трамп у інтэрв'ю Reuters заявіў, што ЗША могуць перагледзець пагадненне аб свабодным гандлі з Паўднёвай Карэяй. «Гэта непрымальна, гэта жахлівая здзелка, складзеная Хілары [Клінтан], — заявіў Трамп. — Мы павінны або нанова абмеркаваць умовы і адмяніць яе».
У падрыхтоўцы пагаднення ўдзельнічала саперніца Трампа на выбарах прэзідэнта ЗША Хілары Клінтан, якая займала ў той момант пасаду дзяржсакратара.