Першая серыя беларускамоўнага хорар-серыяла, над якім працуе каманда маладых творцаў з Мінска, называецца «Галаву складзеш». У чацвер, 28 красавіка, яе выклалі ў адкрыты доступ.
Сюжэт серыяла «Заклятыя скарбы» зняты па матывах традыцыйных беларускіх легендаў ды паданняў. Аўтар ідэі праекта — рэжысёр Серж Аўсянік. Над сцэнаром працавалі Зміцер Шкрадзюк, Серж Аўсянік і літаратарка Валярына Кустава.
Плануецца, што ў першым сезоне новыя серыі будуць выходзіць штомесяц. Першую аўтары знялі за свой кошт.
«Мы будзем вельмі радыя, калі знойдуцца тыя, хто захочуць нас падтрымаць. Цяпер мы шукаем сродкі, каб зрабіць наша кіно яшчэ больш якасным: набыць грым, маскі, палепшыць дэкарацыі, графіку, запрасіць цікавых акцёраў», — кажуць стваральнікі серыяла.
Гэта дэбют у мастацкім кіно і для сцэнарыстаў, і для рэжысёра.
Галоўныя ролі ў першай серыі «Галаву складзеш» выканалі фронтмэн «Нейра Дзюбеля» Аляксандр Кулінковіч і малады артыст Васіль Бойдак.
Калі хочаце дапамагчы праекту, лістуйце: info@cinemapride.by
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»3
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары