Інцыдэнт, у якім пацярпелі адразу тры супрацоўнікі міліцыі, адбыўся ўначы 30 красавіка падчас затрымання злачынцы. Падрабязнасці паведамілі ў прэс-службе УУС.
Мазырская міліцыя. Ілюстрацыйнае фота
За плячыма ў 30-гадовага злачынцы — судзімасці за асабліва цяжкія злачынствы, разбоі і рабаванні. Улічваючы гэты факт, затрымліваць рэцыдывіста вырашылі ноччу. У аперацыі ўдзельнічалі супрацоўнікі АМАП УУС Гомельскага аблвыканкама і 8-га ўпраўлення ГУБАЗіК МУС РБ.
— Пры спробе затрымання падазраванага ў яго руцэ нечакана з'явіўся самаробны нож. Хапіла пары секунд, каб цяжка раніць адразу дваіх супрацоўнікаў і зачапіць трэцяга, — распавёў афіцыйны прадстаўнік УУС Віталь Прыстромаў.
Нягледзячы на пранікальныя нажавыя раненні праваахоўнікам удалося затрымаць і абясшкодзіць злачынца, але даставіць у аддзяленне міліцыі яны яго самастойна ўжо не змаглі, у дваіх супрацоўнікаў былі закранутыя жыццёва важныя органы, прыйшлося выклікаць падмацаванне.
Зараз міліцыянты знаходзяцца ў бальніцы, іх жыццю нічога не пагражае. Следчыя праводзяць праверку, падчас якой будзе прынята рашэнне аб заваядзенні крымінальнай справы.