У вёсцы Лінова Пружанскага раёна адбыўся пажар у драўляным жылым доме, які належыць пенсіянерцы 1955 года нараджэння, паведамілі ў Брэсцкім абласным упраўленні МНС.
Інцыдэнт здарыўся днём 7 мая. Агнём знішчаны дах, пашкоджана перакрыцце на плошчы 9 кв.м. Як мяркуецца, прычына пажару - навальнічны разрад маланкі.
У Брэсцкім абласным УМНС таксама распавялі яшчэ аб двух пажарах з матэрыяльным уронам, якія адбыліся 7 мая. Так, у вёсцы Гнеўчыцы (Іванаўскі раён) гарэла прыватная драўляная гаспадарчая пабудова. Агнём знішчаны дах, пашкоджаныя сцены і маёмасць. Прычына ўзгарання высвятляецца. У вёсцы Хмелішча (Маларыцкі раён) адбыўся пажар у прыватным драўляным жылым доме. У выніку здарэння агнём знішчаны дах, перакрыцце, пашкоджаныя сцены, маёмасць. Разгляданая версія прычыны пажару — неасцярожнае абыходжанне з агнём пры курэнні.
