Пра гэта напісала ў сваім фэйсбуку афіцыйны прадстаўнік Следчага камітэта Юлія Ганчарова.
16-гадоваму падазраванаму ў двайным забойстве ў Слоніме Гродзенскай вобласці прад'яўлена абвінавачванне. Дзеянні падлетка кваліфікаваныя следствам па п.1 ч.2 арт.139 (Забойства, здзейсненае пры абцяжарваючых абставінах) Крымінальнага кодэкса Рэспублікі Беларусь.
У ходзе допыту ў якасці абвінавачанага юнак пацвердзіў факт пазбаўлення жыцця сваіх сваякоў. Прычынай зробленага ён назваў абвастрэнне існаваўшых на працягу доўгага часу канфліктных адносін з бабуляй і дзедам.
Канчатковая прававая ацэнка дзеянням школьніка будзе дадзена па выніках расследавання крымінальнай справы з улікам заключэнняў экспертаў і комплекснай ацэнкі ўсіх атрыманых доказаў.
У цяперашні час прызначана правядзенне комплекснай стацыянарнай псіхолага-псіхіятрычнай экспертызы абвінавачанага на падставе сабраных следствам матэрыялаў, неабходных для правядзення дадзенага даследавання.
Следства працягвае працу па справе.