Расія і Саудаўская Аравія абвясцілі пра гатоўнасць падоўжыць пагадненне аб скарачэнні здабычы нафты яшчэ на дзевяць месяцаў - да сакавіка 2018 года ўключна.
Пра гэта, паведамляе «Інтэрфакс», гаворыцца ў сумеснай заяве міністра энергетыкі Расіі Аляксандра Новака і міністра энергетыкі Саудаўскай Аравіі Халіда аль-Фаліха па выніках сустрэчы ў Пекіне.
Новак і аль-Фаліх таксама падкрэслілі, што пагадненне аб скарачэнні здабычы, якога цяпер прытрымліваюцца 24 краіны, адкрыта для новых удзельнікаў.
Біржы адрэагавалі на заяву РФ і Саудаўскай Аравіі аб прадаўжэнні пагаднення па скарачэнні здабычы ростам нафтавых катыровак. На біржы ICE ў Лондане бараль нафты маркі Brent падаражэў на 1,5% да 51,6 даляра.
0
0
0
0
0
0
