У Мінску насмерць збілі мужчыну, які выйшаў з аўтобуса і стаў пераходзіць перад ім дарогу 8

У Мінску мужчына выйшаў на дарогу з-за аўтобуса, які спыніўся, і трапіў пад колы аўтамабіля. Пра гэта распавёў начальнік аддзела агітацыі і прапаганды ДАІ ГУУС Мінгарвыканкама Сяргей Заранік.

Смяротны наезд адбыўся ўвечары 16 мая на сталічнай вуліцы Несцерава. Паводле папярэдняй інфармацыі, мужчына выйшаў на прыпынку з аўтобуса і стаў пераходзіць перад ім дарогу. У гэты момант яго і збіў аўтамабіль «Рэно».

Ад атрыманых траўмаў ён памёр на месцы здарэння.

На месцы ДТЗ працуе следча-аператыўная група.

Tut.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ