Праект па развіцці веларуху ў Беларусі перамог у конкурсе EuropeAid, арганізаваным ЕС. Для яго рэалізацыі паступіла 560 тысяч еўра, паведамілі TUT.BY у некамерцыйнай установе «Цэнтр экалагічных рашэнняў».
Да рэалізацыі праекта Цэнтр экалагічных рашэнняў і Мінскае роварнае таварыства прыступілі ўжо з сакавіка бягучага года. У жніўні 2019 года ён будзе завершаны.
«За 30 месяцаў мы правядзём сацыяльна-эканамічную ацэнку, якая пакажа, наколькі выгадна будзе ўладам развіваць веларух у нас у краіне, — распавяла намеснік дырэктара цэнтра Дар'я Чумакова. — У Мінску мы створым інфраструктуру, якая дазваляе ўкараніць веларух у транспартнае асяроддзе горада».
Дзякуючы праекту людзі змогуць больш актыўна выкарыстоўваць ровар для сваіх перамяшчэнняў па сталіцы, зручней будзе дабрацца да прыпынкаў грамадскага транспарту, дзе на спецыяльнай перахопнай стаянцы ахвотныя змогуць пакінуць свой ровар. З'явіцца магчымасць перавозкі ровараў і ў грамадскім транспарце — сёння гэта зрабіць цяжка. На веладарожках плануецца ўсталяваць лічыльнікі, якія будуць улічваць колькасць раварыстаў
«Гэтымі задачамі зоймецца рабочая група, якая цяпер фармуецца. Дадаткова мы створым электронны інфацэнтр і карту веламаршрутаў у беларускіх гарадах».
Дар'я Чумакова адзначыла, што ў акцыі будуць удзельнічаць і абласныя гарады Беларусі, а пры актыўным удзеле велааматараў могуць быць задзейнічаныя райцэнтры.
Цяпер чытаюць
Амерыканцы дабіліся вызвалення Юрыя Зянковіча. Ён быў прысуджаны да 11 гадоў зняволення13
Каментары