Малады беларус увайшоў у гісторыю, як перавозчык рэкорднай партыі кантрабандных цыгарэт у польскіх Полаўцах.
21-гадовы беларус на сваім бусе перасякаў польска-беларускую мяжу ў КПП Полаўцы (сумежная ў Беларусі - Пясчатка).
Пусты мікрааўтобус і самотны кіроўца выклікалі падазрэнне ў польскіх мытнікаў. Машыну вырашана было надгледзець з прыхільнасцю.
У выніку пільнай праверкі цыгарэты знайшлі схаванымі ў сценках буса, пад падлогай і ў дзвярах машыны. Усяго 14 тысяч пачкаў цыгарэт, рынкавым коштам у Польшчы 180 тысяч злотых (больш за $45 тысяч). Выяўленая партыя аказалася самай вялікай выяўленай кантрабандай для польскага пункта пропуску Полаўцы.
Малады чалавек увайшоў у крымінальную гісторыю мытні, але дарагой цаной: пазбавіўся тавару, буса, дадаткова яго чакае штраф і ўжо накладзеная забарона на ўезд у Еўрасаюз тэрмінам на 3 гады.
