Раніцай у Мінску пенсіянер на «Фальксвагене» разбіў дзве прыпаркаваныя машыны і сышоў з месца ДТЗ
84-гадовы пенсіянер на Volkswagen Polo ехаў па гасцявой стаянцы на вуліцы Герасіменкі, праявіў няўважлівасць і здзейсніў наезд на прыпаркаваныя «Форд» і «Шкоду», пасля чаго з месца ДТЗ сышоў. Гаспадыня аднаго з пашкоджаных аўтамабіляў выклікала супрацоўнікаў ДАІ, якія адшукалі вінаватага ў аварыі.
Па словах кіроўцы, ён ехаў на прыём да доктара і пераблытаў педалі газу і тормазу. А сышоў з месца аварыі, бо вельмі спяшаўся на прыём.
На пенсіянера склалі адміністрацыйныя пратаколы. Яму пагражае штраф ад 5 да 20 базавых велічынь альбо пазбаўленне правоў на тэрмін да 2 гадоў.
0
0
0
0
0
0