Суперзорка амерыканскага баскетбола Леброн Джэймс заявіў, што быць чарнаскурым у ЗША цяжка. Напярэдадні на варотах яго дома ў Лос-Анджэлесе з'явіўся расісцкі надпіс.
«Не мае значэння, колькі ў цябе грошай, усё роўна, які ты знакаміты … Быць чарнаскурым у Амерыцы цяжка», - сказаў спартсмен.
«Расізм будзе заўсёды існаваць у свеце, заўсёды будзе часткай Амерыкі. А нянавісць у ЗША, асабліва да афраамерыканцаў — гэта цяпер штодзённая рэч. І нашаму грамадству яшчэ шмат чаго трэба зрабіць, каб афраамерыканцы адчулі сябе роўнымі», - працягнуў ён.
Прадстаўнікі мясцовай паліцыі пацвердзілі, што надпіс, зроблены на дзвярах дома Джэймса, быў вельмі абразлівы.
Зараз паліцыя вывучае кадры з камер назірання, каб знайсці зламысніка.
0
0
0
0
0
0