Дзяўчына патанула на вадаёме ў Камянецкім раёне пасля таго, як перавярнулася на надзіманым матрацы, паведамляюць беларускія СМІ са спасылкай на раённую арганізацыю Таварыства ратавання на вадзе.
Інцыдэнт адбыўся ў нядзелю днём на возеры Сіпурка, што знаходзіцца паблізу беларуска-польскай мяжы. Цела вадалазы змаглі знайсці толькі праз суткі.
«Работнікамі Таварыства ў 80 метрах ад берага на глыбіні каля пяці метраў было знойдзенае цела патанулай», — сказалі ў арганізацыі. Паводле інфармацыі відавочцаў, дзяўчына плавала на надзіманым матрацы і на адлегласці 50 метраў ад берага перавярнулася.
У Таварыстве ратавання на вадзе заклікалі грамадзян, якія збіраюцца на адпачынак да вадаёмаў, быць вельмі асцярожнымі.
0
0
0
0
0
0
