18.06.2017 / 19:29

Дзеля $900 мільёнаў: што павінен зрабіць Мінск, каб атрымаць новыя траншы крэдыту 6

Атрыманне Мінскам пятага-сёмага траншаў крэдыту Еўразійскага фонду стабілізацыі і развіцця на агульную суму 900 млн даляраў будзе магчымае пры выкананні адкарэктаваных умоў, «скіраваных на павышэнне эфектыўнасці кіравання дзяржаўнымі прадпрыемствамі». У часопісе Мінфіна «Фінансы. Улік. Аўдыт» пералічаныя некаторыя з дадатковых патрабаванняў.

У прыватнасці, ЕФСР патрабуе ўдасканалення метадаў карпаратыўнага кіравання ў 17 акцыянерных таварыствах (у тым ліку размова ідзе пра ўзмацненне складу назіральнай рады незалежнымі дырэктарамі), аптымізацыі дзяржуласнасці на рэспубліканскім узроўні праз перадачу ў камунальную ўласнасць не менш за 45 дзяржпрадпрыемстваў, а таксама дзярждолі акцый асобных ААТ на біржы.

Ва ўмовы шостага траншу уключаны новы кантрольны паказчык па распрацоўцы і ўкараненню механізмаў сацыяльнай абароны, якія прадугледжваюць перанавучанне звольненых пры рэарганізацыі работнікаў і іх далейшае працаўладкаванне. Такім чынам эксперты разлічваюць кампенсаваць невыкананне ўмовы трэцяга траншу аб павышэнні дапамогі па беспрацоўі да бюджэту пражыткавага мінімуму.

Ва ўмовы сёмага траншу паўторна прапісалі заканадаўчае зацвярджэнне парадку прыняцця мясцовымі ўладамі рашэнняў аб перадачы ім у даверчае кіраванне камунальных прадпрыемстваў як дадатковага механізму аздараўлення фінансава няўстойлівых дзяржпрадпрыемстваў (у асноўным сельскагаспадарчых). Пры гэтым статус умовы стаў «кантрольным».

На такія карэкціроўкі ЕФСР пайшоў пасля невыканання Беларуссю умоў выдзялення трэцяга траншу. Гаворка ідзе пра тры індыкатыўныя паказчыкі — прыняцце Стратэгіі павышэння эфектыўнасці кіравання дзяржсектарам і двух загадаў прэзідэнта, аб мерах дадатковай падтрымкі некаторых катэгорый беспрацоўных і аб зацвярджэнні парадку перадачы ў даверчае кіраванне фінансава няўстойлівых прадпрыемстваў.

Канчатковы пералік дадатковых мер планавалася прадставіць на разгляд чарговай Рады Фонду, пасяджэнне якой плануецца на канец чэрвеня - ліпень бягучага года.

Прадастаўленне фінансавага крэдыту Беларусі ў памеры 2 млрд даляраў сямю траншамі на працягу 2016—2018 гадоў ухвалена Радай Фонду 25 сакавіка 2016 года. Сума першага траншу пры гэтым вызначана ў 500 млн даляраў, другога-чацвёртага - па 300 млн долараў, пятага-сёмага траншаў - па 200 млн даляраў кожны. Пакуль Беларусь атрымала тры траншы на агульную суму за 1,1 млрд даляраў. Асноўнай мэтай крэдыту з'яўляецца падтрымка праграмы рэформаў ўрада і Нацбанка, скіраванай на стварэнне ўмоў для выхаду краіны на траекторыю ўстойлівага росту праз павышэнне якасці эканамічнай палітыкі і правядзенне структурных рэформаў.

0
Аанатоль / Адказаць
18.06.2017 / 21:28
Слова, слова
1
алекс / Адказаць
18.06.2017 / 21:59
Вообщем требуют отказаться от гос.поддержки убыточных гос.предприятий. Вот что в этом плохого? Мы все от этого только выиграем! Далее. Переобучение высвобождаемого персонала. Позитивное и правильное условие. Теоретически в социальном государстве с этим вообще проблем быть не должно. Будь Беларусь именно таковым то всё так бы и было. Но это не так. А потому с выполнением этого пункта будут очень большие проблемы! Как впрочем и со всеми остальными. Причина как мне представляется носит системный характер. И она такова: не желание Лукашенко признавать полный крах построенной им соц.эк.модели. Для этого он должен обладать способностью признавать свои ошибки. А для него это невозможно. Самый яркий пример тому: д3. Потому переговоры будут сложными, затяжными и сводящими с ума представителей ЕФСР. Это мы уже Рыгорыча знаем на 10 шагов вперёд и даже привыкли к его особеностям поведения. А для них он всё ещё батька!))
6
аННанист.бай / Адказаць
19.06.2017 / 06:22
Вот она, цена "независимости". Метрополии уже в открытую говорят властям колонии (Беларуси) что делать... О какой самостоятельности можно говорить, если у государства отсутствует свой монетный двор и печатный станок. 
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру