Атмасферны фронт з Балтыйскага мора ўжо ў сераду прынясе ў нашу краіну больш халоднае паветра, кароткачасовыя дажджы і парывісты вецер. Пра гэта паведаміў начальнік службы метэаралагічных прагнозаў Гідрамета Мінпрыроды Дзмітрый Рабаў.
У аўторак, 20 чэрвеня, ноччу пераважна без ападкаў. Днём на большай частцы тэрыторыі кароткачасовыя дажджы, у асобных раёнах навальніцы, моцныя дажджы. Вецер паўночна-заходні, заходні 5-10 м/с, днём парывы да 14 м/с, месцамі да 15-20 м/с. Тэмпература ноччу +10 +16°С, днём +23 +29°С.
У сераду ўжо стане халадней. На большай частцы тэрыторыі чакаюцца кароткачасовыя навальнічныя дажджы і парывісты вецер. Тэмпература ноччу +10 +16°С, па паўночным захадзе +7 +9°С, днём ад + 16°С па поўначы да +25°С па поўдні краіны.
У чацвер ноччу ў паўночна-ўсходніх раёнах, днём пераважна па паўночнай палове краіны кароткачасовыя дажджы, днём магчымы навальніцы. Тэмпература ноччу +6 +13°С, днём +16 — +23°С.
Далей, з паўднёвага захаду Еўропы пачне паступаць больш цёплае, але па ранейшаму насычанае вільгаццю паветра, тэмпература зноў пачне паступова павышацца:
У пятніцу ў асобных раёнах кароткачасовыя дажджы, магчымы навальніцы. Тэмпература ноччу +6 + 13°С, днём +16 + 23°С; па паўднёвым захадзе ноччу +14 + 16°С, днём +24 + 26°С.
