19.06.2017 / 16:49

Не больш за 2 пакункі на рукі будуць адпускаць толькі настойкі і марганцоўку 3

У Беларусі будуць адпускаць па нормах толькі спіртазмяшчальныя настойкі і перманганат калію. Пра гэта падчас круглага стала ў прэс-цэнтры БелТА расказала начальнік упраўлення фармацэўтычнай інспекцыі і арганізацыі лекавага забеспячэння Міністэрства аховы здароўя Беларусі Людміла Равуцкая.

«З пераліку (безрэцэптурных лекаў. — Заўвага. TUT.BY) сыходзіць норма водпуску. На працягу пяці гадоў яна дзейнічала: у рукі адпускаліся не больш за два пакункі лекавага сродку. Мы абмеркавалі і вырашылі, што гэтая норма неэфэктыўная і неапраўданая. Яна застанецца толькі для некаторых пазіцый — спіртазмяшчальных настоек і перманганата калію», — адзначыла Людміла Равуцкая.

Грамадскае абмеркаванне пераліку скончылася 16 чэрвеня. Пасля нарады яго вынікі адправяць на юрыдычную экспертызу ў Мінюст. Паводле слоў спецыяліста, актуалізацыя пераліку — натуральны працэс і сур'ёзных страт лекавы рынак Беларусі не зазнаў. Пры гэтым 60% лекаў застаюцца безрэцэптурнымі.

Нагадаем, што раней Міністэрства аховы здароўя прапанавала абмеркаваць новы спіс лекаў, якія можна будзе купіць у аптэцы без рэцэпту. Напрыклад, як і раней, без рэцэпту ў аптэках прапаноўвалі прадаваць парашкі, якія выкарыстоўваюць пры прастудах, гелі і таблеткі ад пякоткі, абязбольвальныя сродкі. Плануецца, што без рэцэптаў па-ранейшаму будуць рэалізоўваць супрацьвірусныя — гропрынасін, арбідол, арпетол. А вось асельтамівір Міністэрства аховы здароўя прапануе адпускаць па рэцэптах.

0
M113 / Адказаць
19.06.2017 / 17:14
А што такога крутога можна зрабіць з марганцоўкі, што яе продаж абмяжоўваюць?
0
э / Адказаць
19.06.2017 / 17:42
M113, яна павышае напружанасць у Драздах)))Петарда таксама трэба проўдваць цераз аптэкі па дзьве ў рукі
1
Святлана / Адказаць
19.06.2017 / 18:15
M113, Соли калия очень нестабильны и при определенных условиях могут воспламеняться, вплоть до взрыва. Это может произойти даже при комнатной температуре и при несоблюдении условий хранения препарата. Этим свойством часто пользуются террористы при изготовлении взрывных устройств. Это одна из причин, почему запретили продажу марганцовки в больших количествах.  Кроме того, перманганат калия относится к средствам, которые называются "перекурсоры". Это такие вещества, которые используются для изготовления наркотических средств. И это, скорее всего, главная причина того, почему запретили марганцовку. Во многих странах этот препарат даже относят к наркотикам и могут оштрафовать за его хранение.
Каб пакінуць каментар, калі ласка, актывуйце JavaScript у наладах свайго браўзеру