19.06.2017 / 20:43

Карыесу канец? Навукоўцы распрацавалі паласкальнік для зубоў новага пакалення 14

Расійскія навукоўцы распрацавалі ўнікальны склад зубнога паласкальніка, які істотна змяняе склад мікрафлоры зубоў, знішчае бактэрыі зубнога налёту і зніжае імавернасць запалення дзяснаў, паведамляецца на сайце geektimes.ru. Клінічная апрабацыя раствору паласкальніка была праведзеная на добраахвотніках з кафедры стаматалогіі Кіраўскага дзяржаўнага медыцынскага універсітэта.

Навукоўцы сцвярджаюць, што стаматолагі сёння актыўна вырашаюць задачу прафілактыкі карыесу з выкарыстаннем раствораў, якія не ўтрымліваюць фтору.

Пры гэтым зубная шчотка з пастай чысціць максімум 61% налёту, і тое толькі з жавальных, язычных і шчокавых паверхняў. Толькі нешматлікія пацыенты выкарыстоўваюць зубную нітку, матывуючы гэта адсутнасцю часу. Найбольш папулярнымі становяцца паласкальнікі, бо іх часціцы пранікаюць і ў міжзубныя прамежкі. Расійскія навукоўцы у партнёрстве з медыцынскімі спецыялістамі распрацавалі новы тып паласкальнікаў для рота на аснове наначасціц металаў, які пры рэгулярным выкарыстанні зніжае рост патагенных бактэрый на 83%, зніжаючы рызыку развіцця карыесу і захворванняў парадонту.

У выніку праведзеных іспытаў было выяўлена, што ўжо на працягу першых 24 гадзін адбывалася інгібаванне (падаўленне) росту бактэрый зубнога налёту пры выкарыстанні розных раствораў наначасціц металаў.

«Клетка патагеннага мікраарганізма памірае ў выніку хімічнай дэструкцыі яе сценак і розных мембран, у тым ліку і мембран арганэл клеткі», — кажа суаўтар праекта, дэкан стаматалагічнага факультэта Кіраўскага ДМУ, к.м.н. Святлана Громава. «У дачыненні да залацістага стафілакока і большасці кокаў бактэрыцыдныя і бактэрыястатычныя ўласцівасці прэпарату часам значна пераўзыходзяць дзеянне антыбіётыкаў».

Кіраўнік навуковай групы Георгій Фралоў распавёў аб навуковых высновах эксперыментаў: «Іёны металаў і іх дысацыяваныя злучэнні забіваюць мікраарганізмы. Найбольш моцным бактэрыцыдным дзеяннем валодае срэбра, меншым — медзь і золата. Мы зафіксавалі ў ходзе даследавання, што падчас выкарыстання паласкальнікаў на аснове аксідаў металаў значна зніжаецца колькасць мяккага зубнога налёту на паверхнях зубоў (да 83%), зніжаецца колькасць патагеннай мікрафлоры аж да поўнага яе знішчэння».

Цяпер распрацоўшчыкі займаюцца рэгістрацыяй складу і афіцыйным патэнтаваннем яго ў якасці паласкальніка.

Праўда, да канца не вядома, ці будуць у раствору пабочныя эфекты.

14
дантыст / Адказаць
19.06.2017 / 20:55
Няхай распрацоўшчык цуда-паласкальніка пакажа свае ўласныя зубья. А брахаць пра цуды, ды яшчэ ў найцудоўнейшай расеі, так прызвычаіліся, што і апошні дурань можа зрабіць элексір прыгажосьці і вечнай маладосьці.
3
Lol / Адказаць
19.06.2017 / 21:09
я чет не понял,  тот же листерин (не сочтите за рекламу) или другой похожий ополаскиватель выполняет те же функции.. только что фтор содержит. но я не думал, что это вредно
1
530 / Адказаць
19.06.2017 / 21:17
кожны год што-небудзь распрацоўваюць, вынаходзяць, а на паліцах у крамах і дагэтуль нічога з таго няма.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру