Сёння ў Заграбе прайшло лёсаванне фінальнай стадыі мужчынскага чэмпіянату Еўропы — 2018 па гандболе, які пройдзе ў Харватыі.
Зборная Беларусі на першым этапе выступіць у групе В разам з камандамі Аўстрыі, Нарвегіі і Францыі. Яны згуляюць у горадзе Порэч.
Склады іншых папярэдніх квартэтаў:
А (Спліт): Харватыя, Ісландыя, Сербія, Швецыя.
С (Заграб): Чарнагорыя, Славенія, Германія, Македонія.
D (Вараждзін): Чэхія, Венгрыя, Іспанія, Данія.
Пасля заканчэння першага этапу барацьбу за ўзнагароды працягнуць па 3 лепшыя каманды з кожнай групы. Турнір пройдзе з 12 па 28 студзеня 2018 года.
Беларускія гандбалісты ў 5-ы раз выступяць сярод 16 лепшых каманд Старога Свету. На мінулым кантынентальным першынстве ў Польшчы каманда Юрыя Шаўцова заняла 10-е месца.