Судна з прыкладна 170 турыстамі на борце затанула на паўночным захадзе Калумбіі. Прынамсі шэсць чалавек загінулі. Больш за 20 чалавек адпраўленыя ў бальніцы.
Прэзідэнт Калумбіі Хуан Мануэль Сантас пацвердзіў гібель шасці чалавек, хоць раней улады паведамлялі аб дзевяці загінулых. 16 чалавек пры гэтым застаюцца зніклымі без вестак.
Мясцовыя ўлады пацвердзілі таксама, што 133 чалавекі выратаваны.
Чатырохпалубное судна «Алміранте» пацярпела крушэнне на вадасховішчы Пеньёль, размешчаным каля турыстычнага горада Гуатапе.
Судна пагрузілася пад ваду напалову за паўхвіліны, але на дапамогу падышлі некалькі невялікіх прагулачных лодак.
0
0
0
0
0
0
