У Ганцавічах супрацоўнікі ДАІ затрымалі нецвярозага кіроўцу, паведамілі БЕЛТА ў Брэсцкай абласной Дзяржаўтаінспекцыі.
Інцыдэнт адбыўся ў райцэнтры 24 чэрвеня. Інспектары АСВ ДПС «Буг» неслі дзяжурства на вуліцы Чырвонаармейскай. Каля 23.50 яны затрымалі 25-гадовага мясцовага жыхара на «Фордзе Мондэа» ў стане вельмі моцнага алкагольнага ап'янення. Медыцынскі агляд паказаў 4,2 праміле.
Як патлумачыў супрацоўнікам ДАІ кіроўца, спіртное ён выпіў пасля сваркі з жонкай, а затым вырашыў паехаць на дачу ў кірунку трасы Р7, дзе і быў затрыманы праваахоўнікамі. Мужчына адхілены ад кіравання транспартнымі сродкамі.
0
0
0
0
0
0
