Выданне «Гомельская праўда» зладзіла прамую лінію з пракурорам Гомельскай вобласці Віктарам Марозавым. Падчас размовы Марозаў выказаўся наконт забароны алкаголю падчас выпускных і параіў хаваць алкаголь у крамах.
Віктар Марозаў. Фота - «Гомельская праўда»
«Пасля тых жа выпускных вечароў, падчас якіх спіртное не прадавалі, не было зарэгістравана ніякіх інцыдэнтаў. А калі паглядзець у мінулае, то было інакш. Падобныя акцыі — сусветная практыка, — сказаў Марозаў. — Але справа ў іншым. Алкаголь сёння даступны кругласутачна, у крамах ён выстаўлены на бачных месцах. Чаму пляшкі нельга схаваць, каб спіртное не бачылі тыя ж дзеці? Бо нешта падобнае цяпер адбываецца з тытунёвымі вырабамі. Маляўнічых этыкетак на пачках з цыгарэтамі ўжо няма, усё схавана за вітрыны, а для пакупнікоў даступны толькі асартымент у выглядзе спісу».
